ပိာ်မုၣ်ပိာ်မၢၤတၢ်သးခုကစီၣ် / တၢ်ရဲၣ်လီၤကျဲၤလီၤ

အီးထ၀ၢ်ကညီခရံာ်ဖိရ့လိာ်မုာ်လိာ်တၢ်အိၣ်ဖှိၣ် − မိာ်မုၣ်အတၢ်သးခုကစီၣ်တၢ်မၤ

မရံနၢ် ဂှါ
ပိာ်မုၣ်သနၢၣ်မူဒါခိၣ်

တၢ်ကွဲးခီဖျိ သရၣ်ဒိၣ် လါစ့

ပနာ်လၢ " တၢ်စူၢ်တၢ်နာ် " အံၤန့ၣ်, တဘၣ်တၢ်ပာ်လီၤဆီအီၤန့ၣ်ဘၣ်, ဒီးပတၢ်ဖဲအံၤန့ၣ်မ့ၢ်ဒ်သိးပကလဲၤသ ကိးတၢ်လၢတၢ်စူၢ်တၢ်နာ်၀ဲအံၤန့ၣ်လီၤ. ဟဲခီဖျိယွၤအပှၤဂီၢ်မုၢ်, ဒီးဟ့ၣ်နီၤဟ့ၣ်ခီတၢ်လဲၤခီဖျိလၢအဟ့ၣ်ပှၤ လၢတၢ်ဂံၢ်တၢ်ဆူၣ်, တၢ်ဟ့ၣ်ဂံၢ်ဟ့ၣ်ဘါ, ဒီးသဆၣ်ထီၣ်သကိးလိာ်ပသးလၢတၢ်အိၣ်မူတၢ်စူၢ်တၢ်နာ်လၢအိၣ်ဒီးတၢ်ပညိၣ်လၢတၢ်မ့ၢ်တၢ်တီလီၤ. လၢတၢ်ဂ့ၢ်၀ဲအံၤ, ပအိၣ်ဒီးတၢ်သူၣ်ထီၣ်၀ဲဒၣ်ပိာ်မုၣ်ပိာ်မၢၤ, လၢတၢ်အိၣ်မူအရဲၣ်တၢ်ကျဲၤအပူၤလၢကပာ်ဖှိၣ်ထီၣ်သကိးလိာ်ပသး, ဃုသကိးသးအဂံၢ်အဘါ, ဒီးကတဲာ်ကတီၤသးဒီးတၢ်လဲၤခီဖျိလၢအကဲထီၣ်လိၣ်ထီၣ်လၢတၢ်ဘၣ်ထွဲလိာ်သးတဂၤဒီးတဂၤ, တၢ်ဒိၣ်ထီၣ်ထီထီၣ်လၢတဂၤဒီးတဂၤ, ဒီးလဲၤတၢ်ဒီးသးစီဆှံအတၢ်ပၢတၢ်ဆှၢန့ၣ်လီၤ.

ပအိၣ်ဒီးတၢ်ဆၢထၢၣ်သဃဲၤဒီးပိာ်မုၣ်ပိာ်မၢၤလၢပစိၤဆၢကတီၢ်ခဲအံၤဒီးဆူညါလီၤ. ပထံၣ်စိ၀ဲဒၣ်လၢတၢ်လိၣ်ဘၣ်မ့ၢ်ဂ့ၤ, တၢ်တီတၢ်လိၤမ့ၢ်ဂ့ၤ, ဒီးတၢ်သူၣ်အိၣ်သးအိၣ်လၢယွၤအတၢ်အၢၣ်လီၤအီလီၤအပူၤန့ၣ်လီၤ.
( ယဂှါယၤ ၃၃း၆ )

" ကစၢ်ခရံာ်ကမ့ၢ်ဂံၢ်ခီၣ်ထံးလၢအဂၢၢ်အကျၢၤလၢပစိၤဆၢကတီၢ်ခဲအံၤ, မ့ၢ်၀ဲဒၣ်တၢ်အုၣ်က့ၤခီၣ်က့ၤ, မ့ၢ်တၢ်ပူၤဖျဲး, တၢ်ကူၣ်ဘၣ်ကူၣ်သ့, ဒီးတၢ်ပလၢၢ်ဘၣ်ဒီးတၢ်အဲၣ်တၢ်ကွံလီၤ. တၢ်ပျံၤကစၢ်ယွၤန့ၣ်,မ့ၢ်သီးခွဲးလၢအရ့ဒိၣ်န့ၢ်ဒံးတၢ်ပျၢ်ပလဲ " ဃ့လၢကတီလိၤအဂီၢ်န့ၣ်လီၤ.

အါန့ၢ်အန့ၢ်အပူၤန့ၣ်, ပအိၣ်ဒီးတၢ်ဒုးနဲၣ်ဆုးကျဲၤတၢ်ဖံးတၢ်မၤလၢပိာ်မုၣ်,လၢကအၢၣ်လီၤဒီးဟ့ၣ်ဂံၢ်ဟ့ၣ်ဘါသကိးလိာ်ပသး, ပဃ့လၢတၢ်ပာ်ဖှိၣ်သကိးလိာ်ပသးမၤလိသကိးတဂၤဒီးတဂၤအတၢ်ဒုးနဲၣ်ဆုးကျဲ, ဒီးအုၣ်သကိးပသးဒီးမၤသကိးတၢ်သးခုကစီၣ်အတၢ်မၤတဘျီကဒီးန့ၣ်လီၤ.

တၢ်လၢအဖျါစဲစဲဖိလၢတၢ်ဂ့ၢ်၀ဲအံၤန့ၣ်, မ့ၢ်ပိာ်မုၣ်လၢတၢ်အိၣ်ဖှိၣ်အပူၤ " တၢ်လိၣ်ဘၣ်, တၢ်တီတၢ်လိၤလၢပိာ်မုၣ်သ့ၣ်တဖၣ်အဂီၢ် " မ့ၢ်တၢ်လၢအရ့ဒိၣ်နီၢ်မး, တၢ်ဂ့ၢ်၀ဲအံၤပထံၣ်တၢ်အရ့ဒိၣ်အိၣ်၀ဲဒၣ် ( ၃ ) မံၤ − တၢ်ဖိတၢ်လံၤ, တၢ်ဟ့ၣ်တၢ်သ့ၣ်ညါနၢ်ပၢၢ်, တၢ်သးခုကစီၣ်တၢ်မၤ ဒီး တၢ်ရ့လိာ်မုာ်လိာ်န့ၣ်လီၤ.

စီၤပီလူး, ယူၣ်ထီၣ်ထီ၀ဲဒၣ်ပိာ်မုၣ်, လၢမ့ၢ်၀ဲဒၣ်ပှၤလၢကစၢ်ယွၤတ့လီၤပာ်လီၤ၀ဲလီၤ. ဃုာ်ဒီးကဘူၣ်ထီၣ်ဘါထီၣ်ကစၢ်ယွၤလၢတၢ်အုၣ်က့ၤခီၣ်က့ၤအဂီၢ်, လၢပိာ်မုၣ်တဖၣ်ဒိးန့ၢ်ဘၣ်၀ဲဒၣ်န့ၣ်လီၤ. အ၀ဲယူၣ်ထီၣ်ထီ၀ဲဒၣ်ပိာ်မုၣ်မ့ၢ် " မိၢ် " လၢအဒုးအိၣ်ဖျဲၣ်ထီၣ်၀ဲဒၣ် စီၤအၤဘြၤဟၣ်, ဘူၣ်ထီၣ်ဘါထီၣ်ကစၢ်ယွၤလၢတၢ်စူၢ်တၢ်နာ်, လၢတၢ်အဲၣ်, လၢတၢ်ဆီၣ်လီၤသးအပူၤန့ၣ်လီၤ.

ဒ်လဲၣ်မ့ၢ်ဂ့ၤန့ၣ်, ပိာ်မုၣ်အိၣ်မူဘၣ်သ့ခီဖျိလၢအိၣ်ဒီးဖိတဖၣ်, မ့ၢ်အိၣ်ဒီးတၢ်နာ်န့ၢ်လိာ်သးလၢတၢ်အဲၣ်တၢ်ကွံဒီးတၢ်စိတၢ်ဆှံ, လၢတၢ်အိၣ်ဘှ့ၣ်အိၣ်ဘှီၣ်အပူၤ, သးအိၣ်ဒုးသ့ၣ်ညါပိာ်မုၣ်ပိာ်မၢၤသ့ၣ်တဖၣ်, တဘၣ်အိၣ်ဒီးတၢ်ဆၢကတီၢ်လၢအစူလံန့ၣ်တဂ့ၤ, ခီဖျိလၢ " မူခိၣ်အဘီအမုၢ်န့ၣ် " ဟဲဘူးထီၣ်လံအဃိန့ၣ်လီၤ.

ပၢ်ကစၢ်ယွၤဧၢ, ဃ့လၢနကဆိၣ်ဂ့ၤ၀ဲဒၣ်ပိာ်မုၣ်လၢနဂီၢ်သ့ၣ်တဖၣ်အံၤကိးဂၤဒဲး, မ့ၢ်ပိာ်မုၣ်လၢအိၣ်ဒီးတၢ်သူၣ်ဒူသးဒူ, ကတိၤတၢ်လၢအကပုာ်လုာ်, ဒီးပျံၤ၀ဲဒၣ်ကစၢ်ယွၤန့ၣ်လီၤ. ပှၤကိးဂၤဒဲးလၢအထံၣ်ဘၣ်၀ဲဒၣ်ပိာ်မုၣ်သ့ၣ်တဖၣ်အံၤလၢအတၢ်အိၣ်မူအပူၤလၢကစၢ်ယွၤအိၣ်ဒီးအီၤန့ၣ်လီၤ. မ်နကဆိၣ်ဂ့ၤဘၣ်ပိာ်မုၣ်ကိး ဂၤဒဲး, ဒီးလၢကျဲကိးဘိဒဲးလၢအ၀ဲသ့ၣ်တဖၣ်အဂီၢ်န့ၣ်တက့ၢ်. ဒိၣ်ကတၢၢ်လၢပှၤလၢအမၤနတၢ်ဖံးတၢ်မၤလၢတၢ်ဆၢကတီၢ်ပှဲၤပှဲၤမ့ၢ်ဂ့ၤ,တၢ်ဆၢကတိၢ်တပှဲၤ ဘၣ်မ့ၢ်ဂ့ၤ, ကစၢ်ယွၤဧၢ, နသ့ၣ်ညါ၀ဲဒၣ်ပိာ်မုၣ်သ့ၣ်တဖၣ်အံၤလၢအတၢ်အိၣ်မူ, အ၀ဲသ့ၣ်မၤနတၢ်မၤလၢတၢ်သူၣ်အိၣ်သးအိၣ်န့ၣ်လီၤ. ဒ်အ၀ဲသ့ၣ်တဖၣ်မ့ၢ်၀ဲဒၣ်တလးမူးပိာ်မုၣ်အသိးန့ၣ်လီၤ. ပှၤလၢအဟ့ၣ်လီၤအသးခဲလၢာ်လၢကတဲာ်ကတီၤသးလၢနတၢ်ဟဲက့ၤကဒါက့ၤခံဘျီတဘျီဒ်တလးပိာ်ခွါတဂၤအသိးန့ၣ်လီၤ. မ်ယွၤဒိးဘၣ်တၢ်လၤကပီၤအစိၤစိၤဃၣ်ဃၣ်န့ၣ်တက့ၢ်. အၤမ့ၣ်