အိၣ်ဘှံးနံၤတၢ်မၤလိအတၢ်ကဲဘျုးကဲဖှိၣ်တနီၤ:

ပမ့ၢ်က့ၤကွၢ်က့ၤတကပၤန့ၣ်, အိၣ်ဘှံးနံၤတၢ်မၤလိမ့ၢ်၀ဲဒၣ်ကျဲတဘိလၢကစၢ်ခရံာ်မၢ်လိာ်တ့ၢ်ပှၤ, တဲ၀ဲ " သိၣ်လိသီလိလၢတၢ်ကိးမံၤဒဲးအပူၤ " လၢတၢ်သိၣ်လိ၀ဲဒၣ်အိၣ်ဘှံးနံၤတၢ်မၤလိအံၤန့ၣ်အိၣ်၀ဲဒၣ်ဒီးအကျိၤအကျဲလီၤတံၢ်လီၤဆဲး, မ့ၢ်တၢ်လၢအရ့ဒိၣ်နီၢ်မးလၢပှၤစူၢ်က့ၤနာ်က့ၤတၢ်ဖိသ့ၣ်တဖၣ်အဂီၢ်လၢကဒိၣ်ထီၣ်လၢတၢ်စူၢ်တၢ်နာ်လၢတၢ်အိၣ်ဖှိၣ်အပူၤန့ၣ်လီၤ. အိၣ်ဘှံးနံၤတၢ်မၤလိအံၤမ့ၢ်ဒ်သိးပှၤမၤလိယွၤကလုၢ်ကထါသ့ၣ်တဖၣ်ကန့ၢ်မၤလိဘၣ်တၢ်ဂ့ၢ်တၢ်ကျိၤလီၤတံၢ်လီၤဆဲးလၢတၢ်မၤလိကျိၤအကျဲသ့ၣ်တဖၣ်န့ၣ်လီၤ. တၢ်ကဘၣ်တၢ်သိၣ်လိအီၤလၢတၢ်စူၢ်တၢ်နာ်ခီၣ်ထံးခီၣ်ဘိလီၤ တံၢ်လီၤဆဲးလၢအတၢ်ဒိၣ်ထီၣ်ထီထီၣ်လၢနီၢ်သးကလၤအတၢ်လၢတၢ်ပှဲၤအပူၤန့ၣ်လီၤ.

အိၣ်ဘှံးနံၤတၢ်မၤလိအံၤမ့ၢ်တၢ်လၢအိၣ်ဒီးအဘျုးအဖှိၣ်အါ၀ဲဒိၣ်မး, တမ့ၢ်ထဲတနွံဒီးတနွံလၢအိၣ်ဘှံးနံၤတၢ်သိၣ်လိ၀ံၤ၀ဲန့ၣ်ဘၣ်လီၤ. အိၣ်ဘှံးနံၤတၢ်မၤလိမ့ၢ်၀ဲဒၣ်တၢ်အိၣ်ဖှိၣ်အစုဒုၣ်စုတီၤ, မ့ၢ်တၢ်အိၣ်ဖှိၣ်အက့ၢ်အဂီၤအကျါတခါလၢအရ့ဒိၣ်၀ဲဒၣ်န့ၣ်လီၤ.မ့ၢ်တၢ်အက့ၢ်အဂီၤအကျါတခါလၢတၢ်အိၣ်ဖှိၣ်မိၢ်ပှၢ်လိၣ်ဘၣ်၀ဲဒၣ်အီၤန့ၣ်လီၤ.

ပဘၣ်သ့ၣ်ညါလၢအိၣ်ဘှံးနံၤအတၢ်မၤလိအံၤတမ့ၢ်ထဲအကဲထီၣ်တၢ်ဘျုးတၢ်ဖှိၣ်, လၢမ့ၢ်ထဲတၢ်အိၣ်ဖှိၣ်အစုဒုၣ်စုတီၤထဲန့ၣ်ဧိၤဘၣ်, မ့ၢ်စုဒုၣ်စုတီၤဆူပှၤအိၣ်လၢတၢ်အိၣ်ဖှိၣ်အချၢ, ပှၤတ၀ၢအပူၤစ့ၢ်ကီးလီၤ. ဖဲတၢ်လီၤသိၣ်လိ၀ဲဒၣ်အိၣ်ဘှံးနံၤတၢ်မၤလိလၢတၢ်အိၣ်ဖှိၣ်အချၢန့ၣ်, ဟ့ၣ်စ့ၢ်ကီးတၢ်မၤစၢၤလၢပှၤလၢအလီၤထွံလီၤယွၤသ့ၣ်တဖၣ်အဂီၢ်, ပှၤတစူၢ်တနာ်က့ၤတၢ်သ့ၣ်တဖၣ်အဂီၢ်လၢန့ၢ်ဟဲရ့လိာ်မုာ်လိာ်, ဒီးပာ်ဖှိၣ်မၤသကိးက့ၤတၢ်လၢတၢ်မၤလိအပူၤသ့စ့ၢ်ကီး၀ဲဒၣ်န့ၣ်လီၤ.

လၢအရ့ဒိၣ်အိၣ်၀ဲဒၣ်တမံၤ, ပသူၣ်ထီၣ်၀ဲဒၣ်တၢ်ဖံးတၢ်မၤအကျိၤအကျဲဘၣ်ဃးဒီးအိၣ်ဘှံးနံၤတၢ်မၤလိလၢပှၤလၢအအိၣ်လၢတၢ်အိၣ်ဖှိၣ်အချၢသ့ၣ်တဖၣ်သ့စ့ၢ်ကီးလီၤ. ခီဖျိလၢ မုၣ်ကနီၤ, ဖိၣ်သၣ်ခွါအိၣ်၀ဲဒၣ်အါမးလၢအဟ့ၣ်လီၤအသး,လၢကမၤကစၢ်ယွၤအတၢ်ဖံးတၢ်မၤလၢကလဲၤစံၣ်တဲၤတဲလီၤတၢ်သးခုကစီၣ်လၢတၢ်မၤသကိးအပူၤန့ၣ်လီၤ.