တၢ်သးခုကစီၣ်တၢ်ရဲၣ်တၢ်ကျဲၤလၢတၢ်အိၣ်ဖှိၣ်ပူၤဒီးလၢတၢ်အိၣ်ဖှိၣ်အချၢ

ပဘၣ်တၢ်ကိးပှၤလၢပကပိာ်၀ဲဒၣ်ကစၢ်ခရံာ်အခံ, လၢပကဘၣ်ဟ့ၣ်နီၤဟ့ၣ်ခီတၢ်ကစီၣ်လၢဟ့ၣ်တၢ်မုၢ်လၢ်ဒီးတၢ်အဲၣ်တၢ်ကွံန့ၣ်လီၤ. ဆှၢပှၤဂီၢ်မုၢ်လၢကလဲၤဆူတၢ်ရ့လိာ်မုာ်လိာ်ဒီးတၢ်အိၣ်မူလၢအဆီတလဲလၢကစၢ်ခရံာ်အပူၤန့ၣ်လီၤ. ကစၢ်ခရံာ်အ၀ဲဒၣ်ကိးဃီပှၤလၢပကဟ့ၣ်နီၤဟ့ၣ်ခီတၢ်အၢၣ်လီၤအီလီၤအတၢ်ပညိၣ်   သ့ၣ်တဖၣ်ဘၣ်ဃးဒီးတၢ်အဲၣ်လၢအတၢ်လီၤထူလီၤယိာ်လၢတၢ်အကိညါပူၤဒီးလၢတၢ်အချၢလၢကဟ့ၣ်ပှၤကိးဂၤကဒိးန့ၢ်ဘၣ်၀ဲဒၣ်န့ၣ်လီၤ.

ပတၢ်သးခုကစီၣ်အတၢ်စံၣ်တဲၤတဲလီၤအံၤဖီၣ်လိာ်သးစုဒီးတၢ်သးခုကစီၣ်အတၢကရၢကရိ, မ့ၢ်ဒ်သိးကမၤလၢထီၣ်ပှဲၤထီၣ်ကစၢ်ယွၤအတၢ်ကိးလၢကလဲၤနုာ်လီၤဆူတၢ်သးခုကစီၣ်ကသ့, ဒီးပလၢၢ်ဘၣ်ပှၤအတၢ်အိၣ်မူလၢအတသ့ၣ်ညါလၢကစၢ်ယွၤအဲၣ်အီၤဘၣ်တဖၣ်, ဒီးကစၢ်ယွၤအိၣ်ဒီးတၢ်ရဲၣ်တၢ်ကျဲၤလၢအ၀ဲသ့ၣ်တဖၣ်အဂီၢ်, လၢတၢ်အဲၣ်ဒီးကစၢ်ယွၤအတၢ်မၤလၢအ၀ဲသ့ၣ်အဂီၢ်န့ၣ်လီၤ. ပကျဲးစၢးသူၣ်ထီၣ်၀ဲဒၣ်တၢ်ရ့လိာ်မုာ်လိာ်သးဒီးကစၢ်ယွၤန့ၣ်လီၤ.

ပှၤဘၣ်မူဘၣ်ဒါလၢအစံၣ်တဲၤတဲလီၤတၢ်သးခုကစီၣ်ဒီးတၢ်အုၣ်က့ၤခီၣ်က့ၤလၢကစၢ်ယ့ၣ်ရူးခရံာ်လၢတၢ်အကိညါပူၤဒီးလၢတၢ်အိၣ်ဖှိၣ်အချၢမ့ၢ်ဒ်သိးပှၤလၢအလီၤမၢ်သ့ၣ်တဖၣ်တၢ်ကထံၣ်န့ၢ်က့ၤအီၤ, ဒီးပှၤလၢအန့ၢ်ဘၣ်တၢ်အုၣ်က့ၤခီၣ်က့ၤကဘၣ်တၢ်ဆၢတဲာ်န့ၢ်အီၤလၢတၢ်ဆီတလဲဖးဒိၣ်လၢကမၤတၢ်လၢအဒိၣ်အမုၢ်လၢကစၢ်ယွၤဟ့ၣ်အီၤသ့ၣ်တဖၣ်န့ၣ်လီၤ.