ပ " အီးထ၀ၢ်ကညီခရံာ်ဖိရ့လိာ်မုာ်လိာ်တၢ်အိၣ်ဖှိၣ် " ပအိၣ်ဒီးတၢ်စူၢ်တၢ်နာ်လၢအဘၣ်ဃးဒီးတၢ်သးခုကစီၣ်အတၢ်မၤလၢကစၢ်ယွၤဟ့ၣ်လီၤပှၤ,လၢပကဘၣ်သူၣ်ထီၣ်၀ဲဒၣ်အပျဲၢ်အဘီၣ်, မ့တမ့ၢ်ဘၣ်ဒီးပှၤလၢကပိာ်ကစၢ်ခရံာ်အခံလၢအတၢ်ကိးထီၣ်ထီအပူၤလီၤ. ( မးသဲ ၂၈း၁၈−၂၀ )

တၢ်ဘူၣ်ထီၣ်ဘါထီၣ်ကစၢ်ယွၤ, ဒိၣ်ထီၣ်ထီထီၣ်သကိး, မၤစၢၤဘၣ်ပှၤလၢပခိၣ်ပဃၢၤ, တၢ်ဘူၣ်ထီၣ်ဘါထီၣ်ကစၢ်ယွၤမ့တမ့ၢ်တၢ်စူၢ်တၢ်နာ်လၢကစၢ်ခရံာ်အပူၤ, လၢတၢ်ကိးမံၤဒဲးအပူၤတၢ်ပညိၣ်မ့ၢ်လၢပအိၣ်မူလၢဟီၣ်ခိၣ်တဘ့ၣ်အံၤအဖီခိၣ်အဃိ, ကစၢ်ယွၤအိၣ်အိၣ်ဒီးတၢ်တိာ်တၢ်ပညိၣ်ဟ့ၣ်လီၤကီးပှၤလၢတၢ်မၢလီၤ လၢကစၢ်ယွၤအတၢ်ဟ့ၣ်သ့ၣ်တဖၣ်လၢပှၤဟီၣ်ခိၣ်ဖိ, ဒီးမ့ၢ်တၢ်မၢလီၤလၢအကါဒိၣ်အရ့ဒိၣ်၀ဲဒၣ်လၢအဘၣ်ဃးဒီးတၢ်အိၣ်ဖှိၣ်န့ၣ်လီၤ. ( မၢ်ကူး ၁၂း၂၉−၃၁ )

ကစၢ်ခရံာ်အပှၤတၢ်မၢဖိသ့ၣ်တဖၣ်, လၢအဘၣ်တၢ်မၤပူၤမၤဖျဲးအီၤလၢခီဖျိကစၢ်ခရံာ်တဖၣ်န့ၣ်အ၀ဲသ့ၣ်တဖၣ်ကြၢးလၢကဘၣ်အဲၣ်အီၤ, ဒီးကျဲးစၢးဒိၣ်ထီၣ်ထီထီၣ်လၢကလီၤဂာ်ဒီးကစၢ်ခရံာ်အါထီၣ်လၢအတၢ်စူၢ်တၢ်နာ်လၢပှၤအဂၤအမဲာ်ညါန့ၣ်လီၤ. ( ကလီၤစဲ ၃း၁၂−၁၇ )

တၢ်စူၢ်တၢ်နာ်လၢပဒိးန့ၢ်ဘၣ်အီၤအံၤန့ၣ်, ပကြၢးဟ့ၣ်နီၤဟ့ၣ်ခီဆူပှၤလၢပခိၣ်ပဃၢၤဟံၣ်ဖိဃီဖိသ့ၣ်တဖၣ်အအိၣ်ခီဖျိပတၢ်သးခုကစီၣ်အတၢ်ဖံးတၢ်မၤန့ၣ်လီၤ.

ပကကျဲးစၢးလၢပတၢ်သးခုကစီၣ်အတၢ်ဖံးတၢ်မၤ၀ဲအံၤကဲထီၣ်လိၣ်ထီၣ်,လၢပတၢ်အိၣ်ဖှိၣ်အပူၤအံၤဒ်လဲၣ်.....

ပအဲၣ်ဒီးလၢပှၤတၢ်အိၣ်ဖှိၣ်ဖိအိၣ်ဒီးတၢ်အၢၣ်လီၤညီညီဖိ, လၢတၢ်ဂ့ၢ်ဖိ ၃ မံၤလၢတၢ်ကဲထီၣ်၀ဲဒၣ်ခရံာ်အပှၤတၢ်မၢဖိဃုာ်ဒီးပှၤန့ၣ်လီၤ.

− မ့ၢ်ဒ်သိးဒီးပတၢ်ဘူၣ်ထီၣ်ဘါထီၣ်ကလဲၤခီဖျိတၢ်ပညိၣ်သ့ၣ်တဖၣ်သ့လၢတၢ်သူၣ်တီသးတီအပူၤ, လၢတၢ်ဖံးသကိးမၤသကိးအပၤလီၤ. ( ယိၤဟၣ် ၄း၂၄ )

− မ့ၢ်ဒ်သိးပကဒိၣ်ထီၣ်ထီထီၣ်သကိးလၢပှၤတ၀ၢအပူၤဒီးလၢပတၢ်အိၣ်ဖှိၣ်အပူၤန့ၣ်လီၤ. ( မၤတၢ် ၂း၄၆−၄၇ )

− မ့ၢ်ဒ်သိးပကမၤသကိးတၢ်ဒီးပှၤဂၤလၢကကဲထီၣ်တၢ်တမံၤဃီလၢတၢ်စူၢ်တၢ်နာ်အပူၤ, ပနာ်လၢကျဲ၀ဲအံၤကမ့ၢ်တၢ်ရဲၣ်တၢ်ကျဲၤတခါလၢပတၢ်မၤသကိးအပူၤ, လၢကမၤစၢၤသကိးလိာ်ပသးလၢတၢ်ဒိၣ်ထီၣ်ထီထီၣ်လၢပကစၢ်ယ့ၣ်ရူးခရံာ်အပူၤန့ၣ်လီၤ. ( မးသဲ ၂၀း၂၈ )

ပတၢ်သးခုကစီၣ်အတၢ်ထံၣ်စိကွၢ်စိ

− ပမၤသကိးတၢ်သးခုကစီၣ်အတၢ်မၤအံၤ, ပကမၤသကိးဒီးပှၤကိးဂၤဒဲးဒ်တၢ်လၢပမၤအီၤသ့အသိး, ပကတီၤသးလၢပကမၤတၢ်လၢအ၀ဲသ့ၣ်အဂီၢ်န့ၣ်လီၤ.

− ပမၤသကိးတၢ်သးခုကစီၣ်အတၢ်မၤအံၤ, ပကမၤသကိးတၢ်ဒီးတၢ်အိၣ်ဖှိၣ်တဖၣ်,လၢတၢ်လီၢ်ကိးတီၤဒဲးလၢတအိၣ်ဒီးတၢ်အဒူၣ်အဆၢဘၣ်န့ၣ်လီၤ.

− ပမၤသကိးတၢ်သးခုကစီၣ်အတၢ်မၤအံၤ, ပကမၤသကိးစးထီၣ်အသးလၢပအိၣ်လီၢ်အိၣ်ဆိး,လဲၤဆူတၢ်လီၢ်အဂၤ, တုၤလၢကီၢ်တဘ့ၣ်ဒီးတဘ့ၣ်န့ၣ်လီၤ.

− ပမၤသကိးတၢ်သးခုကစီၣ်အတၢ်မၤအံၤ, လၢကသိၣ်လိကစၢ်ယွၤကလုၢ်ကထါလၢတၢ်အိၣ်ဖှိၣ်ပူၤ, လၢ်တၢ်သးခုကစီၣ်အတၢ်မၤလီၢ်, လၢပှၤနာ်က့ၤတၢ်တဖၣ်ကဒိၣ်ထီၣ်ထီထီၣ်လၢပကစၢ်ခရံာ်အပူၤန့ၣ်လီၤ.

− ပမၤသကိးတၢ်သးခုကစီၣ်အတၢ်မၤအံၤ, လၢပကစံၣ်တဲၤတဲလီၤတၢ်သးခုကစီၣ်လၢခရံာ်မၤလိာ်တ့ၢ်ပှၤ, လဲၤပှၤတခီဘီမုၢ်ဖိသ့ၣ်တဖၣ်အအိၣ်, ပှၤလီၤထွံလီၤယွၤသ့ၣ်တဖၣ်အအိၣ်, အိၣ်ဒီးတၢ်ဟူးတၢ်ဂဲၤလၢအ၀ဲသ့ၣ်တဖၣ်အဂီၢ်ဒ်ပမၤအီၤသ့အသိး, အဒိ − တၢ်စံးထီၣ်ပတြၢၤ, တၢ်ဘူၣ်ထီၣ်ဘါထီၣ်, တၢ်ထုကဖၣ် ဒီးအဂၤတဖၣ်ဒ်အလီၢ်အိၣ်၀ဲဒၣ်အသိးန့ၣ်လီၤ.

− ပမၤသကိးတၢ်သးခုကစီၣ်အတၢ်မၤအံၤ, လၢပကဒုးအိၣ်ထီၣ်၀ဲဒၣ် ဟံၣ်ဖိဃီဖိတဒူၣ်ဘၣ်တဒူၣ်အတၢ်ပာ်ဖှိၣ်ထီၣ်လိာ်သးအတၢ်ရ့လိာ်မုာ်လိာ်, တၢ်ဘူၣ်သကိးဘါသကိး, မၤလိသကိးယွၤကလုၢ်ကထါ, ဒီးဟ့ၣ်ဂံၢ်ဟ့ၣ်ဘါသကိးလိာ်ပသးလၢတၢ်ဒိၣ်တုာ်ခိၣ်ပှဲၤလၢခရံာ်အပူၤန့ၣ်လီၤ.

− ပမၤသကိးတၢ်သးခုကစီၣ်အတၢ်မၤအံၤ, ပကဒုးအိၣ်ထီၣ်တၢ်မၤလိအလီၢ်အကျဲ, လၢပှၤကိးဂၤဒဲးကန့ၢ်ဘၣ်တၢ်ခွဲးတၢ်ယာ်လၢတၢ်အိၣ်ဖှိၣ်အချၢသ့ၣ်တဖၣ်အဂီၢ်စ့ၢ်ကီးန့ၣ်လီၤ.

တၢ်လီၣ်ဖျါလၢတၢ်သးခုကစီၣ်အတၢ်မၤ

− တၢ်စံၣ်တဲၤတဲၤလီၤဒီးတၢ်သိၣ်လိတၢ်မ့ၢ်တၢ်တီလၢပှၤကိးဂၤဒဲးမၤတၢ်ဒဲးဘးဒီးမ့ၢ်ပှၤတၢ်ဒဲးဘးဖိ, လၢအ၀ဲသ့ၣ်တဖၣ်ကန့ၣ်ဘၣ်က့ၤတၢ်အုၣ်က့ၤခီၣ်က့ၤခီဖျိလၢပကစၢ်ယ့ၣ်ရူးခရံာ်အသွံၣ်စီဆှံလၢအဟဲခီဖျိလၢတၢ်စူၢ်တၢ်နာ်အပူၤန့ၣ်လီၤ.

− မ့ၢ်ဒ်သိးဒီးလၢတၢ်သိၣ်လိယွၤကလုၢ်ကထါဒီးစံၣ်တဲၤတဲလီၤတၢ်သးခုကစီၣ်ဆူပှၤကိးဂၤဒဲးဒ်တၢ်လၢပမၤအီၤသ့အသိးဒ်ကစၢ်ခရံာ်မၤလိာ်တ့ၢ်ပှၤအသိးလီၤ, လၢ " ပကဘၣ်လဲၤဆူဟီၣ်ခိၣ်ဒီဘ့ၣ်ညါဒီးစံၣ်တဲၤတဲလီၤတၢ်သးခုကစီၣ်ဆူပှၤကိးကလုာ်ဒဲး " န့ၣ်လီၤ

− မ့ၢ်ဒ်သိးပှၤကိးဂၤဒဲးကအိၣ်မူလၢတၢ်အိၣ်မူစီဆှံလၢကပူၤဖျဲးဒီးတၢ်ဒဲးဘး, ထူၣ်ဖျဲးထီၣ်က့ၤလၢမုၣ်ကီၤလံၢ်အတၢ်စၢဃာ်အပူၤန့ၣ်လီၤ.

− မ့ၢ်ဒ်သိးပကသိၣ်လိသကိးလိာ်ပသးလၢတဂၤဒီးတဂၤကဒိၣ်ထီၣ်ထီထီၣ်လၢသူၣ်လၢသး, ပကဒိၣ်ထီၣ်လၢတၢ်ယီၢ်၀ဲဒၣ်ကစၢ်ခရံာ်အခီၣ်လီၢ်, ဒ်ပှၤတၢ်မၢဖိစီၤပၤလူး စံး၀ဲအသိး, " ပိာ်ယခံဒ်ယပိာ်၀ဲဒၣ်ကစၢ်ခရံာ်အခံသိးန့ၣ်တက့ၢ် "

− မ့ၢ်ဒ်သိးပကယူာ်ထီၣ်ထီ၀ဲဒၣ်ပကစၢ်ခရံာ်အမံၤဒီးအုၣ်သးလၢကစၢ်ခရံာ်အဂီၢ်န့ၣ်လီၤ.

− မ့ၢ်ဒ်သိးဒီးပကစၢ်ခရံာ်ကမ့ၢ်လီၢ်ခၢၣ်သးလၢပဂီၢ်, ကွၢ်လိတၢ်အဒိအတဲာ်လၢပှၤတၢ်မၢဖိသ့ၣ်တဖၣ်အတၢ်ဖံးတၢ်မၤ, ဒိးပၢဆှၢပသးလၢသးစီဆှံတဘျီဃီဒုးနဲၣ်စုကျဲၤသကိးလိာ်ပသးလၢတၢ်စူၢ်တၢ်နာ်လၢပကစၢ်ခရံာ်အပူၤန့ၣ်လီၤ.

− မ့ၢ်ဒ်သိးပကဒုးနဲၣ်စုာ်ကျဲက့ၤပှၤလၢတသ့ၣ်ညါက့ၤခရံာ်ဘၣ်သ့ၣ်တဖၣ်,လၢကဟဲက့ၤသ့ၣ်ညါက့ၤတၢ်အုၣ်က့ၤခီၣ်က့ၤကစၢ်,  ထံၣ်သကိးလိာ်ပသးအလုၢ်အပှ့ၤ, ပာ်လုၢ်ပာ်ပှ့ၤသကိးလိာ်ပသးလၢပမ့ၢ်ယွၤအဖိမုၣ်ဖိခွါ, ခီဖျိလၢပှၤကိးဂၤဒဲးမ့ၢ်၀ဲဒၣ်ခရံာ်အနီၢ်ခိက့ၢ်ဂီၤလၢယွၤအဘီမုၢ်ပူၤ, ဟ့ၣ်လၤဟ့ၣ်ကပီၤသကိးယွၤအသးစီဆှံအတၢ်ဖံးတၢ်မၤ, ဒ်အ၀ဲဟ့ၣ်နီၤဟ့ၣ်ခီတၢ်ဟ့ၣ်တမံၤဘၣ်တမံၤလၢပှၤတဂၤဒီးတဂၤဒၣ်၀ဲဒ်အတၢ်အၢၣ်လီၤအသိးန့ၣ်လီၤ.

− မ့ၢ်ဒ်သိးကသိၣ်လိသကိးလိာ်ပသးလၢတဂၤဒီးတဂၤကသူၣ်တီသးတီလိာ်သးလၢဟံၣ်ဖိဃီဖိ, လၢတၢ်တ့တၢ်ဖျီ, ဘၣ်ဃးဒီးမုၣ်ခွါအတၢ်ရ့လိာ်မုာ်လိာ်လၢကလဲၤခီဖျိတၢ်ဖျီစီဆှံ, ဒ်ကစၢ်ယွၤအိၣ်ဒီးတၢ်သုးတၢ်ကျဲၤလၢတၢ်ဘၣ်ထွဲလိာ်သးဖဲ "ခံဂၤ" ကဲထီၣ်၀ဲဒၣ်နီၢ်ဒီမါ၀ၤန့ၣ်လီၤ.

− မ့ၢ်ဒ်သိးဒီးပှၤကိးဂၤလၢအမၤတၢ်သးခုကစီၣ်အတၢ်မၤကသ့ၣ်ညါသ့ဆီၣ်ထွဲ၀ဲဒၣ်, တၢ်ဆံဆဲၣ်ပူၤအကျိၤအကျဲ, တၢ်မၤဘူၣ်အကျိၤအကျဲ, တဘျီဃီလၢတဂၤဒီးတဂၤသ့မၤတၢ်သးခုကစီၣ်လၢတၢ်ဟ့ၣ်သ့ၣ်တဖၣ်လၢတၢ်သဘျ့လၢယွၤအတၢ်ဖံးတၢ်မၤအပူၤန့ၣ်လီၤ.