တဲဖျါထီၣ်ပဂ့ၢ်ပကျိၤ

ပဆၢဂ့ၤဆၢ၀ါလိာ်ပသးလၢပကစၢ်ယ့ၣ်ရူးခရံာ်အမံၤ, ပ တၢ်အိၣ်ဖှိၣ်အမံၤလၢ ( အီးထ၀ၢ်ကညီခရံာ်ဖိရ့လိာ်မုာ်လိာ်တၢ်အိၣ်ဖှိၣ် ) (O.K.C.F.C.) န့ၣ်လီၤ. 

တၢ်ဒိၣ်ထီၣ်ထီထီၣ်,အတၢ်လဲၤထီၣ်လဲၤထီလၢကစၢ်ယွၤ အတၢ်ဖံးတၢ်မၤလၢအစိၤ ၂၀ လၢအပူၤလဲၤပူၤတ့ၢ်, လၢအဘၣ်တၢ်ပာ်ဖျါထီၣ်လၢတၢ်အိၣ်ဖှိၣ် ( မးသဲ ၁၆း၁၈ ) မ့ၢ်ခရံာ်အနီၢ်ခိၣ်က့ၢ်ဂီၤ ( အ့းဖ့းစူး ၁း၂၃ ) လၢအဘၣ်တၢ်လီၣ်ဖျါထီၣ်အီၤလၢဟီၣ်ခိၣ်တဘ့ၣ်အံၤခီဖျိတၢ်အိၣ်ဖှိၣ်လၢအမ့ၢ်တၢ်တမံၤဃီ ( ယိၤဟၣ် ၁၇း၂၁ ) ဘၣ်တၢ်ကျၢ်ဘၢအီၤဒီးတၢ်ထံၣ်တၢ်လီၣ်ဖျါသ့ၣ်တဖၣ်န့ၣ်လီၤ.

" အီးထ၀ၢ်ကညီခရံာ်ဖိရ့လိာ်မုာ်လိာ်တၢ်အိၣ်ဖှိၣ် " ဘၣ်တၢ်သူၣ်ထီၣ်, ဒီးဘၣ်တၢ်ကွၢ်ထွဲအီၤလၢသရၣ်ဒိၣ်လါစ့န့ၣ်လီၤ. ပစးထီၣ်၀ဲဒၣ်တၢ်အိၣ်ဖှိၣ်အံၤဖဲတၢ်ဆၢကတီၢစှၤနံၣ်အပူၤအံၤန့ၣ်လီၤ. အခီၣ်ထံးပစးထီၣ်ဘူၣ်ထီၣ်ဘါထီၣ်သကိးပယွၤလၢဟံၣ်အပူၤ, ဃုာ်ဒီးတၢ်ပာ်ဖှိၣ်ထီၣ်သကိးလိာ်ပသးလၢပှၤဆံးဆံးဖိတဖု, ဒီး ပကိးအီၤ လၢ " ဟံၣ်တၢ်အိၣ်ဖှိၣ် " န့ၣ်လီၤ.

ဘၣ်ဆၣ်သနာ်က့ၤ, ပသူၣ်ထီၣ်တၢ်နာ်လၢကစၢ်ယွၤအ ပူၤဒီးကစၢ်ယွၤဆိၣ်ဂ့ၤ၀ဲဒၣ်ပှၤဒိၣ်မးန့ၣ်လီၤ. အခဲအံၤပတၢ်အိၣ်ဖှိၣ်ဘၣ်တၢ်ပာ်ဂၢၢ်ပာ်ကျၢၤက့ၤအီၤဒ်အ မ့ၢ်ခရံာ်အတၢ်အိၣ်ဖှိၣ်အသိးန့ၣ်လီၤ.လၢပအိၣ်၀ဲဒၣ်ပ၀့ၢ်အပူၤအံၤပှၤစူၢ်က့ၤနာ်က့ၤတၢ်သ့ၣ်တဖၣ်မ့ၢ်အိၣ်ဒီးတၢ်ပာ်ဖှိၣ်ထီၣ်သကိးလိာ်သးလၢတၢ်အိၣ်ဖှိၣ်ပူၤလၢတၢ်တမံၤဃီ,တၢ်သးတဖျၢၣ်ဃီအပူၤန့ၣ်, အ၀ဲအံၤကမ့ၢ်၀ဲဒၣ်ဂံၢ်ခီၣ်ထံးလၢအတၢ်မ့ၢ်တၢ်တမံၤဃီလၢပ၀့ၢ် အီးထ၀ၢ် အပူၤ န့ၣ်လီၤ.

ယအိၣ်ဒီးတၢ်ထံၣ်, တၢ်လီၣ်ဖျါ လၢတၢ်တမံၤဃီ လၢပကစၢ်ယွၤအ " စီၢ်နီၣ်ခိၣ် " လၢကမ့ၢ်တၢ်အခီၣ်ထံးန့ၣ်လီၤ. မ့ၢ်တၢ်ပာ်ဖျါထီၣ်တၢ်အုၣ်သးလၢတၢ်တမံၤဃီလၢခရံာ်အနီၢ်ခိက့ၢ်ဂီၤအပူၤ,လၢတအိၣ်ဒီးတၢ်အဒူၣ်အဆၢဘၣ်, လၢကလီၣ်ဖျါထီၣ်အသးလၢ ပအိၣ်၀့ၢ် အီးထ၀ၢ် အပူၤ န့ၣ်လီၤ.

တၢ်အိၣ်ဖှိၣ်လၢအမ့ၢ်၀ဲဒၣ် " အီးထ၀ၢ်ကညီခရံာ်ဖိရ့လိာ်မုာ်လိာ် " ဘၣ်တၢ်သူၣ်ထီၣ်အီၤလၢပပှၤကညီတ၀ၢအပူၤ,လၢအဟဲလၢကီၢ်ပယီၤ,ထံဆၢကီၢ်ဆၢဒဲက၀ီၤ, ပှၤကိးဂၤဒဲးဘၣ်ထွဲဘၣ်ဃာ်ဒီးပှၤကညီတ၀ၢန့ၣ်လီၤ. ဒ်လဲၣ်မ့ၢ်ဂ့ၤ, ပသးခုတူၢ်လိာ်မုာ်လိာ်သကိးပသးလၢကလုာ်ဒူၣ်ခဲလၢာ်လၢကဟဲဒီးရ့လိာ်မုာ်လိာ်မၤသကိးတၢ်, နုာ်လီၤဟ့ၣ်ဂံၢ်ဟ့ၣ်ဘါသကိးလိာ်ပသး,လၢပ၀ဲကညီခရံာ်ဖိတၢ်အိၣ်ဖှိၣ်အံၤန့ၣ်လီၤ.

မ့ၢ်ပတၢ်မုၢ်လၢ်, ဆၢထံၣ်ဘၣ်သုဒိၣ်အါလၢပသိးပကျါ န့ၣ်လီၤ.

"အီးထ၀ၢ်ကညီခရံာ်ဖိရ့လိာ်မုာ်တၢ်အိၣ်ဖှိၣ်"အတၢ်တိာ်တၢ်ပညိၣ်တၢ်ကွၢ်စိန့ၣ်လီၤ.

၁. မ့ၢ်ဒ်သိးဒီးပကသူၣ်ထီၣ်ဒီးကဟုကယာ်တၢ်လီၢ်တၢ်ကျဲလၢတၢ်ဘူၣ်ထီၣ်ဘါထီၣ်ကစၢ်ယွၤလၢအအိၣ်ဒီးအစိဒိၣ်ကမီၤထီပကစၢ်ယွၤလၢမူခိၣ်န့ၣ်လီၤ.

၂. မ့ၢ်ဒ်သိးပကကဲထီၣ်တၢ်တမံၤဃီ,လၢခရံာ်ဖိလၢအိၣ်ဒီးတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်စ့ၢ်ကီးလီၤ.မ့ၢ်ဒ်သိးယွၤအသးမုာ်စီဆှံကဒိးဘၣ်တၢ်လၤကပီၤလၢပ တၢ်အုၣ် သးလၢအမ့ၢ်တၢ်အမိၢ်ပှၢ်န့ၣ်လီၤ.

၃. မ့ၢ်ဒ်သိးဒီးပကဟံးသကိးမူဒါဒ်တၢ်ခွဲးတၢ်ယာ်လီၤဆီလၢတၢ်စံၣ်တဲၤတဲလီၤကစၢ်ခရံာ်အတၢ်သးခုကစီၣ်,လၢကျဲကိးဘိဒဲးလၢအအိၣ်,လၢပဟံၣ်ပဃီ, ပအိၣ်လီၢ်အိၣ် ဆိး, ဒီးလၢတၢ်လီၢ်လၢပလဲၤသ့လဲၤတုၤအီၤန့ၣ်လီၤ.

" အီးထ၀ၢ်ကညီခရံာ်ဖိရ့လိာ်မုာ်လိာ်တၢ်အိၣ်ဖှိၣ် " မ့ၢ်ပှၤလၢအအိၣ်ဒီးတၢ်စူၢ်တၢ်နာ်လၢအိၣ်ဒီးတၢ်သူၣ်ပိၢ်သး၀း,လၢကျဲးစၢးပာ်ဖှိၣ်၀ဲဒၣ်ကစၢ်ယွၤအတၢ်အဲၣ်တၢ်ကွံဒ်လၢကစၢ်ခရံာ်လီၣ်ဖျါထီၣ်တ့ၢ်န့ၢ်ပှၤအသိးလီၤ. ပအိၣ်ဒီးတၢ်ပာ်လီၤသးလၢကဒုးထံၣ်ယွၤအတၢ်အဲၣ်, ကစၢ်ယွၤ အဘျုးအဖှိၣ်, ဒီးပိာ်၀ဲဒၣ်ကစၢ်ခရံာ်အကျဲလၢတၢ်သူၣ်တီသးတီအပူၤလီၤ.ဘၣ်တၢ်ကိးပှၤလၢပဘၣ်တၢ်ယူာ်ထီၣ်ထီယွၤအဖိမုၣ်,အဖိခွါသ့ၣ်တဖၣ်, လၢကဟ့ၣ်ဂံၢ်ဟ့ၣ်ဘါတၢ်ဃူတၢ်ဖိး, တၢ်မ့ၢ်တၢ်တီလၢပှၤတ၀ၢအပူၤ, ဒီးလၢခိၣ်ဃၢၤန့ဆၢၣ်တၢ်အိၣ်သးလၢအဂ့ၤလၢတၢ်ဖံးတၢ်မၤ အပူၤ,ပာ်ဖှိၣ်ထီၣ်သကိးလိာ်ပသး,လၢကမၤဂ့ၤထီၣ်တၢ်ဒိၣ်ထီၣ်ထီထီၣ်လၢသူၣ်လၢသးလၢအယိာ်၀ဲအံၤန့ၣ်လီၤ.ပအိၣ်ဒီးတၢ်ဘၣ်ထွဲလၢတၢ်ဘူၣ်ထီၣ်ဘါထီၣ်သကိး, တၢ်ထုကဖၣ်သကိး, တၢ်မၤလိသကိးယွၤကလုၢ်ကထါ, ဒီးအိၣ်ဒီးတၢ်အံာ်ထွဲကွၢ်ထွဲ,ဟ့ၣ်ဂံၢ်ဟ့ၣ်ဘါလိာ်ပသးကိးဂၤ, ဃုာ်ဒီးပှၤလၢအသးနံၣ်လီၤဆီလိာ်အသးသ့ၣ်တဖၣ်န့ၣ်လီၤ. ( ကလၤတံ ၂း၂၀ )

ပအိၣ်ဒီးတၢ်စူၢ်တၢ်နာ်လၢပယွၤပကစၢ်ယ့ၣ်ရူးခရံာ်အပူၤ,လၢပဒိးန့ၣ်ဘၣ်တၢ်အုၣ်က့ၤခီၣ်က့ၤလၢပနီၢ်ကစၢ်တဂၤ ဒီးတဂၤဒၣ်၀ဲလီၤ.အ၀ဲမ့ၢ်ကစၢ်လၢအလၢအ ပှဲၤ,အိၣ်ဒီးတၢ်သူၣ်ခုသးခုလၢအတၢ်အဲၣ်လၢပဖီခိၣ်, ပအဲၣ်၀ဲဒၣ်ပ ကစၢ်ယ့ၣ်ရူးခရံာ်, ဒီးပကျဲးစၢးလၢအ၀ဲကမ့ၢ်တၢ်ခဲလၢာ်လၢပဂီၢ်လၢနီၢ်ဂံၢ် (၁) န့ၣ်လီၤ.

ပအိၣ်ဒီးတၢ်သူၣ်ခုသးခုလၢတၢ်ဒိးန့ၢ်ဘၣ်တၢ်သ့စီခီဖျိပ ကစၢ်ခရံာ်အသွံၣ်စီဆှံလၢအမ့ၢ်ပၢ်အဖိခွါန့ၣ်လီၤ. ပအိၣ်ဖျဲၣ်ထီၣ်က့ၤလၢတၢ်အိၣ်မူစီဆှံလၢပၢ်အဂီၢ်, ဒီးပှဲၤဒီးယွၤ အသးစီဆှံ, ပနာ်လၢလံာ်စီဆှံမ့ၢ်တၢ်စီဆှံလၢအထီက တၢၢ်လၢကစၢ်ယွၤလီၣ်ဖျါထီၣ်အနီၢ်ကစၢ်ဒၣ်၀ဲလၢပှၤလၢအဘၣ်ဃးဒီးတၢ်လီၤထူလီၤယိာ်လီၤ.

ပဟံးဃာ်တၢ်စူၢ်တၢ်နာ်သကိး,လၢဘၣ်တၢ်လီၣ်ဖျါထီၣ်န့ၢ်ပှၤလၢလံာ်စီဆှံဒီးလၢပှၤစူၢ်က့ၤနာ်က့ၤတၢ်ကိးဂၤမ့ၢ်တ့ၢ်တၢ်လၢပသ့ၣ်ညါတ့ၢ်လံအီၤ, တမံၤဃီဒီးပှၤ နာ်တၢ်လၢကစၢ်ခရံာ်အပူၤန့ၣ်လီၤ.ပမ့ၢ်တၢ်တမံၤဃီဒီးခရံာ်လၢအ နီၢ်ခိက့ၢ်ဂၤတမံၤဃီအပူၤလၢအမ့ၢ် " တၢ်အိၣ်ဖှိၣ် " ဒ်သိးကမၤလိပှၤလၢပကသ့ကဲထီၣ်တၢ်တမံၤဃီလၢခရံာ်အ နီၢ်ခိက့ၢ်ဂီၤအပူၤ, လၢပှၤနာ်က့ၤတၢ်ကိးဂၤဒဲးလၢပ " အီးထ၀ၢ် " အပူၤန့ၣ်လီၤ.

မ့ၢ်ပတၢ်မုၢ်လၢ်ဒီးပကတီၤသးလၢပကလီၣ်ဖျါထီၣ်ခရံာ်အနီၢ်ခိက့ၢ်ဂီၤလၢတၢ်တမံၤဃီအပူၤ,ပတၢ်တိာ်တၢ်ပညိၣ်မ့ၢ်၀ဲဒၣ် ပတၢ်အိၣ်တၢ်ဆိးအလီၢ်အံၤ,ကမ့ၢ်လၢပှၤကိးက လုာ်ဒဲး,ပှၤအတီၤပတီၢ်ကဂၤဒဲး,သးနံၣ်လၢပှၤဖိသၣ်တုၤ လၢသးပှၢ်တဖၣ်ကဘၣ်တၢ်တူၢ်လိာ်အီၤန့ၣ်လီၤ. ပသ့ၣ်ညါလၢတၢ်အဂၤလၢကကဲထီၣ်တၢ်ရ့လိာ်မုာ်အဂ့ၤကတၢၢ်လၢခရံာ်အပူၤန့ၣ်တအိၣ်ဘၣ်လီၤ. ပပှၤတ၀ၢကဂံၢ်ဆူၣ်ဘါဆူၣ်လၢကျဲအကပၤကပၤလၢပစိၤဆၢကတီၢ်ခဲအံၤ, ဒီးလုၢ်လၢ်ထူသနူၤသ့ၣ်တ ဖၣ်န့ၣ်လီၤ. ( မၢ်ကူး ၁၆း၁၅−၁၈ )

ပနာ်သပှၢ်ကတၢၢ်လၢပတၢ်အိၣ်ဖှိၣ်၀ဲအံၤကမ့ၢ် (တၢ်က ဟုကယာ်လၢအဂ့ၤ, အိၣ်ဒီးတၢ်အဲၣ်, မ့ၢ်တၢ်တမံၤဃီဒီးပှၤဂီၢ်မုၢ်လၢကစၢ်ခရံာ်မ့ၢ်လီၢ်ခၢၣ်သး)
ပနာ်သပှၢ်ကတၢၢ်လၢသု၀ဲကိးဂၤဒဲးလၢသုဟဲရ့လိာ်မုာ်လိာ်သးဒီးပှၤအံၤန့ၣ်, ကမ့ၢ်တၢ်ဆၢကတီၢ်လၢအဂ့ၤလၢပတၢ်ဘၣ်ထွဲလိာ်ပသးန့ၣ်လီၤ

ပတၢ်အိၣ်ဖှိၣ်အံၤ, ဘၣ်တၢ်ပာ်ဂၢၢ်ပာ်ကျၢၤအီၤဒီးတၢ်ကရၢရိလၢကီၢ်ခဲနဒၢ်အပူၤခီဖျိ  Vision Ministries Canada - https://vision-ministries.org/