သးခုတူၢ်လိာ်မုာ်ပှၤကိးဂၤဒဲး
ပသးခုတူၢ်လိာ်မုာ်သုလၢတၢအဲၣ်လၢတၢ်အိၣ်ဖှိၣ် O.K.C.F.C အီးထ၀ၢ်ကညီခရံာ်ဖိရ့လိာ်မုာ်လိာ်တၢ်အိၣ်ဖှိၣ်အပူၤန့ၣ်လီၤ.
ပတၢ်အိၣ်ဖှိၣ်အံၤပအိၣ်ဒီးတၢ်စံၣ်တဲၤတဲလီၤကစၢ်ခရံာ်တၢ်သးခုကစီၣ်, လၢ အ၀ဲဒၣ်မူ၀ဲ, တူၢ်တၢ်လၢပဂီၢ်, သံလၢပဂီၢ်ဒီးဘၣ်တၢ်ဒုးဂဲၤဆၢထၢၣ်က့ၤအီၤလၢတၢ်သံ, ဒီးဆၢကတီၢ်ခဲအံၤအ၀ဲဆ့ၣ်နီၤလၢပၢ်အစုထွဲန့ၣ်လီၤ. ပသးခုတူၢ်လိာ်သုကိးဂၤဒဲးလၢကဟဲဘူၣ်သကိးဘါသကိးယွၤလၢအမူ၀ဲ, ဒီးမ့ၢ်ယွၤလၢသူၣ်လၢသးလၢအစီဆှံတဂၤအံၤန့ၣ်လီၤ.
" ဒီးယ့ၣ်ရူးဟဲဃီၤ, ဒီးကတိၤတၢ်ဒီးအီၤ. ဒီးစံး၀ဲဒၣ်, တၢ်ဟ့ၣ်လီၤလံယၤလၢကယဲၢ်တၢ်စိတၢ်ကမီၤလၢမူခိၣ်, ဒီးလၢဟီၣ်ခိၣ်ချၢလီၤ.မၤသးဒ်န့ၣ်ဒီး, လဲၤဒုးကဲထီၣ်ပှၤကလုာ်တဖၣ်ခဲလၢာ်လၢယပျဲၢ်ယဘီၣ်တက့ၢ်. ဒီးဘျၢအီၤလၢပၢ်, ဒီးဖိ, ဒီးသးစီဆှံအမံၤအပူၤတက့ၢ်. ဒီးသိၣ်လိသီလိအီၤ, ဒ်သိးအကတိၢ်န့ၢ်ကယဲၢ်တၢ်လၢယမၤလိာ်တ့ၢ်သုခဲလၢာ်တက့ၢ်. ဒီးကွၢ်ကွၢ်, ,အိၣ်ဒီးသုကိးမုၢ်နံၤမုၢ်နၤဒဲးတုၤတၢ်အစိကတၢၢ်လီၤ " အၤမ့ၣ်
မးသဲ ၂၈း၁၈ − ၂၀
ကတိၤတူၢ်လိာ်မုာ်ခီဖျိကမံးတံာ်
သရၣ်ဒိၣ် လါစ့
" မုၢ်နံၤလၢအဂ့ၤ " ပဆၢဂ့ၤဆၢ၀ါလိာ်ပသးလၢပကစၢ်ခရံာ်အမံၤန့ၣ်လီၤ.
" ပသးခုတူၢ်လိာ်မုာ်ပှၤကိးဂၤဒဲး, န ကဟဲလၢတၢ်လီၢ်ဖဲလဲၣ်,နတၢ်အိၣ်သးကမ့ၢ်တၢ်ဒ်လဲၣ်,နတၢ်စူၢ်တၢ်နာ်ကမ့ၢ်တၢ်ဒ်လဲၣ်,ယသးခုဒိၣ်မးလၢ ပကထံၣ်ဘၣ်သုလၢသုကဟဲဒီးရ့လိာ်မုာ်လိာ်သးဒီးပ၀ဲကညီတ၀ၢတၢ်အိၣ်ဖှိၣ်န့ၣ်လီၤ "
" တၢ်အခီၣ်ထံးကတၢၢ်တတပတီၢ်န့ၣ်,ဆဲးကျိာ်ဒီးပပှၤမၤတၢ်ဖိလၢတၢ်အိၣ်ဖှိၣ်ပူၤတနံၤအံၤ,ဒီးမၤသ့ၣ်ညါနၢ်ပၢၢ်အါထီၣ်လိာ်သးဒီးပှၤ,လၢကစၢ်ယွၤမၤတၢ်အဒိၣ်လၢပ၀ဲကညီဖိအကျါန့ၣ်တက့ၢ်.မ့ၢ်ပတၢ်ဆၢမုၢ်လၢ်န့ၣ်လီၤ "
သရၣ်မုၣ် သလ့ၤဖီ ကၠံၤ
မုၢ်နံၤလၢအဂ့ၤ, ပသးခုလၢပထံၣ်ဘၣ်သု, ဒီးပသးခုတူၢ်လိာ်မုၣ်သုလၢO.K.C.F.C တၢ်အိၣ်ဖှိၣ်ပူၤ,လၢပက ဒိၣ်ထီၣ်လၢတၢ်စူၢ်တၢ်နာ်,တၢ်ရ့လိာ်မုၣ်လိာ်,တၢ်တမံၤဃီ,တၢ်ဘူၣ်ထီၣ်ဘါထီၣ်ယွၤတပူၤဃီ,တဘျီဃီဒၣ်လဲာ်လၢတၢ်ဒုးနဲၣ်စုာ်ကျဲသကိးလိာ်ပသး,ဟ့ၣ်ဂံၢ်ဟ့ၣ်ဘါသကိးလိာ်ပသး, ဒီးဟ့ၣ်လၤဟ့ၣ်ကပီၤသကိးကစၢ်ယွၤလၢပကဂံၢ်ဆူၣ်ဘါဆူၣ်သ ကိးလၢပကစၢ်ခရံာ်အပူၤန့ၣ်လီၤ
ပတူၢ်လိာ်မုာ်သုလၢပတၢ်အိၣ်ဖှိၣ်ပူၤ, ပအဲၣ်ဒီးဒုးသ့ၣ်ညါသုလၢပတၢ်ရဲၣ်တၢ်ကျဲၤအိၣ်အါမး,နမ့ၢ်သးအိၣ်နုာ်လီၤကွၢ်ဘၣ်ပတၢ်ဂီၤမူ,တၢ်ဂီၤတဖၣ်ဒီးဒုးသ့ၣ်ညါက့ၤပှၤလၢသုတၢ်သူၣ်အိၣ်သးအိၣ်ဘၣ်ပှၤ, ဒီးဆီၣ်ထွဲဘၣ်ပှၤ, မ့ၢ်ပတၢ်စံးဘျုးဘၣ်က့ၤသုအါန့ၣ်လီၤ.
သရၣ်မုၣ် ခုၣ်ထီ
မုၢ်နံၤလၢအဂ့ၤ, ပသးခုတူၢ်လိာ်မုာ်သုလၢ O.K.C.F.C တၢ်အိၣ်ဖှိၣ်ပူၤဒီးပသးခုလၢပထံၣ်ဘၣ်သုစ့ၢ်ကီးဖဲအံၤ န့ၣ်လီၤ.
ပကျဲးစ၊လၢပကသူၣ်ထီၣ်တၢ်အိၣ်သးလၢပတၢ်ဘၣ်ထွဲလိာ်သး,ကွၢ်ထွဲပှၤကိးဂၤဒဲးလၢကျဲးစၢးလၢတၢ်ဒိၣ်ထီၣ်ထီထီၣ်လၢသူၣ်လၢသး,လၢတၢ်စူၢ်တၢ်နာ်န့ၣ်လီၤ. ပတၢ်သးခုကစီၣ်အတၢ်ဖံးတၢ်မၤမ့ၢ်တၢ်ဟ့ၣ်နီၤဟ့ၣ်ခီတၢ်အဲၣ်,တၢ်မုၢ်လၢ်လၢပကစၢ်ခရံာ်အပူၤလၢကဘၣ်ကူဘၣ်ဂာ်ပှၤကိး ဂၤဒဲးလၢပှၤတ၀ၢပူၤ,ခီဖျိတၢ်ဘူၣ်သကိးဘါသကိး, မၤသကိးယွၤအ တၢ်မၤ,အိၣ်ဒီးတၢ်သဘျ့လၢပဆ၊ထံၣ်ဘၣ်အီၤ,တၢ်မၤသကိးတၢ်ခီဖျိယွၤအဘျုးအဖှိၣ်န့ၣ်လီၤ.
ပမုၢ်လၢ်ဆၢထံၣ်သုလၢပတၢ်ဘူၣ်တၢ်ဘါအဆၢကတီၢ် မုၢ်အိၣ်ဘှံးနံၤ ဒီးပစံးဘျုးစံးဖှိၣ်သု,ယွၤကဆိၣ်ဂ့ၤသုကိးဂၤဒဲးတက့ၢ်.
သရၣ် တိလိမိ
မုၢ်နံၤလၢအဂ့ၤကိးဂၤ,ပသးခုတူၢ်လိာ်ပသးလၢပတၢ်အိၣ်ဖှိၣ်,လၢမ့ၢ်ပအီးထ၀ၢ်ကညီတ၀ၢတၢ်အိၣ်ဖှိၣ်ပူၤ,မုၢ်လၢ ဆၢထံၣ်သု,သုဟံၣ်ဖိဃီဖိ, ဒီးသုတံၤသကိးသ့ၣ်တဖၣ် န့ၣ်လီၤ.
ပကဂံၢ်ဆူၣ်ဘါဆူၣ်ဒီးဒိၣ်ထီၣ်ထီထီၣ်သကိးလၢခရံာ်အ ပူၤ, ဒီးမၤသကိယွၤအတၢ်မၤန့ၣ်လီၤ.
ပသးအိၣ်ဒုးသ့ၣ်ညါလၢပတၢ်အိၣ်ဖှိၣ်ပအိၣ်ဒီးလံာ်စီဆှံတၢ်မၤလိကၠိ,ပကိး၀ဲဒၣ်ကၠိမံၤလၢ " တၢ်သးခုကစီၣ်ကၠိ " န့ၣ်လီၤ.ပသးအိၣ်ကွဲမုာ်ပှၤကိးဂၤဒဲးလၢကဟဲမၤလိသ ကိးယွၤကလုၢ်ကထါဒီးဒိၣ်ထီၣ်ထီထီၣ်သကိးလၢခရံာ်အပူၤန့ၣ်လီၤ.
သုမ့ၢ်အိၣ်ဒီးတၢ်ဘၣ်သူၣ်ဘၣ်သးဒီးကၠိ၀ဲအံၤန့ၣ်,၀ံသးစူၤဆဲးကျိာ်ဘၣ်ပှၤ, ဒီးပသးခုလၢသုအတၢ်အဲၣ်ဒီးအတၢ်ဆီၣ်ထွဲဘၣ်ပှၤသ့ၣ်တဖၣ်,ပ စံးဘျုးသုကိးဂၤဒီးမ်ယွၤဆိၣ်ဂ့ၤ က့ၤသုကိးဂၤဒဲးတက့ၢ်.
တၢ်ရဲၣ်တၢ်ကျဲၤအဆၢကတီၢ်
လၢပကစၢ်ယ့ၣ်ရူးခရံာ်အမံၤအပူၤန့ၣ်, ပသူၣ်ခုသးခုဒိၣ်မးလၢပထံၣ်ဘၣ်နၤ,လၢနဟဲဟးလၢပအိၣ်လၢတၢ်ရ့လိာ်မုာ်လိာ်န့ၣ်လီၤ.
" ၀ံၤသးစူၤ " နုာ်လီၤကွၢ်၀ဲဒၣ်ပ " ၀ဲဘ် − ဟံၣ် " ကဘျံးပၤ, မုၢ်အိၣ်ဘှံးနံၤ ပအိၣ်ဒီးယွၤကလုၢ်ကထါ,တၢ်စံၣ်တဲၤတဲၤလီၤ,တၢ်သး၀ံၣ်တဖၣ်န့ၣ်လီၤ.
ဟဲပလၢၢ်ဘၣ်ပတၢ်သူၣ်အိၣ်သးအိၣ်,တၢ်အဲၣ်လၢပပှၤတ၀ၢအပူၤ, နုာ်လီၤဃုာ်ဒီးပှၤလၢတၢ်ဘူၣ်တၢ်ဘါတၢ်ရဲၣ်တၢ်ကျဲၤ, ဘၣ်ထွဲဒီးပှၤလၢအအိၣ်ဒီးတၢ်အဲၣ်,တၢ်ပာ်သးလၢအဂ့ၤ,တဘျီဃီဟ့ၣ်နီၤဟ့ၣ်ဃီလိာ်သးတၢ်စူၢ်တၢ်နာ်ဒီးတၢ်လၢအလုၢ်ဒိၣ်ပှ့ၤဒိၣ်တဖၣ်န့ၣ်တက့ၢ်.
ဆဲးကျိာ်ဘၣ်ပှၤ
တၢ်သံကွၢ်အိၣ်ဧါ ? ဆှၢဃီၤတၢ်ဂ့ၢ်တၢ်ကျိၤဆူပအိၣ်ဒီးပကစံးဆၢက့ၤလၢအဆိအချ့ဖဲပအသံန့ၣ်လီၤ
တၢ်လီၢ်တၢ်ကျဲ
အီးထ၀ၢ်ကညီခရံာ်ဖိရ့လိာ်မုာ်လိာ်တၢ်အိၣ်ဖှိၣ်
McPhail Memorial Baptist Church
249 Bronson Ave, Ottawa, ON K1R 6H6